Shumica e organizatave do të duhet të reagojnë në një moment të caktuar ndaj një incidenti që mund të ndërprejë ose të rrezikojë veprimtarinë e tyre të përditshme.

Çertifikimi sipas standardit ISO 22301 ndihmon çdo organizatë të menaxhojë më mirë një situatë të tillë potenciale. Ai garanton zbatimin e një sistemi të planifikuar të menaxhimit të vazhdueshmërisë së biznesit (BCM) dhe kështu ju lejon të reagoni me sukses ndaj çdo ndërprerjeje.

Shqyrtim

Për të menaxhuar një program të përgjithshëm për menaxhimin e vazhdueshmërisë së biznesit, ju duhet të hartoni një plan për vazhdueshmërinë e biznesit dhe aktivitete të tilla si trajnime, ushtrime dhe shqyrtimet e rregullta. Edhe nëse organizata nuk ka patur ndonjëherë një incident të rëndë, themelimi i sistemit të menaxhimit të vazhdueshmërisë së biznesit në përputhje me standardin ISO 22301 e lehtëson përcaktimin e proceseve kryesore të biznesit dhe ndikimeve që mund të rezultojnë nga çdo kërcënim.

Sistemi juaj i menaxhimit të vazhdueshmërisë së biznesit duhet të përmbajë një analizë të ndikimit në biznes (BIA) si pjesë përbërëse e standardit ISO 22301. Analiza e ndikimit në biznes ju ndihmon të identifikoni aktivitetet kritike, ndryshuesit dhe burimet që mbështesin produktet dhe shërbimet tuaja kyçe, si dhe ndikimin që mungesa e tyre do të kishte në organizatë.